الرئيسية / دايجست / د. حمدان أتاسي: حمصي وبس ….

د. حمدان أتاسي: حمصي وبس ….

سألني أحدهم ليش أنتو الحماصنة بتحبو حمص .. فئلتلو طبيعي نحبا لحمص لآننا منظن أنو حمص هي للحماصنة هاي أولا ..Hamdan Atassi - د. حمدان أتاسي تانيا لاتنسى انو الحماصنة اذا ماكانو حماصنة شو رح بيكونوا ؟ لهيك الحماصنة مرتبطين بحمص كتير ، وكمان لزيدك من الشعر بيت وأعطيك سر أخطر من كل يلي سبقوه ، وهوي أنو حمص فيها حماصنة أكتر بكتير مما بيعتئد الناس لهيك أصلا بيسموها حمص ، وبعتئد أنو هاد حئ طبيعي للحماصنة أنو يكونو ساكنين بحمص خاصة أنو حمص فيها كتير حارات ، والعجيب أنو كل هاي الحارات وعلى كترتها فيها كمان حماصنة وعلى كيف كيفك .. والشي يلي بجد كنت ما حابب أولو أنو الحمصي من يوم بيولد بحمص بيكون اسمو حمصي ، لاتسألني ليش بس هيك يلي صار من زمااان وماتغيّر بمرور الزمن ، ومن كرامات أهل حمص انو الحمصي أول ما يبدا يحكي بتكون لهجتو حمصية ، وهاد ترى شي مثبت وعملنا عليه أبحاث كتير ودراسات وماعرفنا ليش بس .. الله كبير.. وبيحب الحماصنة ، والا كيف بتفسر أنو الحمصي أول ما يوعى عل الدنيا ويصير عمرو أحيانا اقل من سنتين بيبدا يمشي ويحكي ..با با .. ما ما.. وهاد ترى بكل حمص بيصير ، ومع كل الحماصنة ، يعني ما حارات حارات ، لك والأغرب أنو بكل حمص ، الحماصنة بيعرفو يمشو بشوارع حمص بدون ما يضيعوا وبعدين حتى اذا ضاعوا ممكن يسألو حدا حمصي وممكن كتير يعرف يدلن ، وبعد كل هاد بدك تسألني ليش الحماصنة بيحبو حمص ….. الحماصنة هه ….
تصوروا بعد كل هل الشرح تركني المنظوم وراح ، آل شو .. ما فهم شي .. بشرفكن يا حماصني في أوضح من هيك …
بس يظهر أنو ما نو حمصي … .

د. حمدان أتاسي

(Visited 64 times, 1 visits today)

شاهد أيضاً

تايغافون، هاتف ذكي، taigaphone

روسيا تتحدى أبل.. هاتف ضد “التنصت” وأرخص 5 مرات من آيفون

كشفت شركة روسية عن هاتف ذكي، تقول إنه يحمي مكالمات المستخدمين من أي محاولة اختراق …