الرئيسية / الهجرة والمهاجرين / ما إلك إلا الله يا بلدي سوريا

ما إلك إلا الله يا بلدي سوريا

اوعديني يا حلب انك تتعافي قبل ما يخلص صابون الغار اللي عنا ..
ورح اخد وعد منك يا حمص انك تشدي حيلك لحتى شوف وجوه ناسك الطيبة واسمع نكتة مهضومة …ما إلك إلا الله يا بلدي سوريا
ومتأكد منك يا حماه انتي القوية ..
متأكد اني رح اتمشى على نهر العاصي وشوف خيرك وكرمك ..
وانتي يا درعا يا اخت الرجال اوعديني نرجع نشوف وجوهكن السمرا ودبكتن ورقصتكن الحلوة ..
ويا سويدا يا صبية حلوة اوعديني ارجع شوف حجارك ..
ويا لادقية ويا طرطوس بدنا نرجع نتمشى بضيعك الحلوة ونشوف الختيارة وهي وعم تخبز عالتنور وتقول اتفضلوا مع ضحكة من القلب ونرجع نشم هوا بحرك ..
وأما القامشلي ودير الزور والرقة والحكسة انا اسف اني مقصر معكن وما زرتكن بس بوعدكن اني اجي لعندكن لشوف سماركن وعيون ولادكن الحلوين ..
وتعي انا وانتي يا شام نوعد الكل بعزيمة كبيرة ..
نبداها بفنجان قهوة مع صوت فيروز بطرقاتك العتيقة ..
وناخدهن تمشاية عالبزورية والحريقة ..
وندوقهن المحاشي والسجقات واليبرق ..
وننزل نتمشى بالحميدية ونبّرد قلبنا ببوظة من عند بكداش ..
ونسهر على صوت ام كلثوم مع ريحة الياسمين ..
وييييييي شو حلو قاسيون وشروق الشمس من فوق ..
ونرجع عالبيت تعبانين والفرحة على وجوهنا ..
اوعديني ترجعي يا سورية أحلى والله اشتقنا للفرح بعيونك ..
و تخلص هالغربة و تصدق فيروز لاول مرة بقولتها “سنرجع يوماً إلى حينا”

عن صفحة السيد حسام برهاني

(Visited 43 times, 1 visits today)

شاهد أيضاً

السويد فردوس المهاجرين في العالم

السويد فردوس المهاجرين في العالم

أكدت إحدى الدراسات الأمريكية أن السويد هي أفضل دولة للهجرة والمهاجرين في العالم. ووضع الترتيب …